Dhanteras Vrat Katha | धनतेरस व्रत कथा

Dhanteras Vrat Katha

Dhanteras Ka Tyohar Kartik Mas Ke Krishna Paksh Ki Triyodashi Tithi Ko Manaya Jata Hai| Is Din Bhagwan Dhanvantari, Mata Lakshmi, Kuber Dev Aur Yamraj Ki Puja Ki Jati Hai| Dhanteras Se Judi Do Mukhya Pauranik Kathayein Hain:

1. Yam Deepdan Ki Katha

Pauranik Katha Ke Anusar, Raja Him Ke Ek Putr The| Jyotishiyon Ne Unki Kundali Dekhkar Bhavishyavani Ki Thi Ki Vivah Ke Thik Chauthe Din Sarpadansh Se Balak Ki Mrityu Ho Jayegi| Raja Him Ne Apne Putr Ko Bachane Ke Liye Har Sambhav Prayas Kiye| Jab Rajkumar Ka Vivah Hua, To Unki Patni Ko Is Bhavishyavani Ka Pata Chala|

Vivah Ke Chauthe Din, Chatur Rajkumari Ne Rajkumar Ke Shayanakaksh Ke Bahar Apne Sone-Chandi Ke Aabhushan Kaa Aur Sikkon Ka Dher Laga Diya Aur Pure Mahal Ko Anaginat Deeyon Se Roshan Kar Diya| Vah Svayam Rat Bhar Jagakar Rajkumar Ko Kahaniya Sunati Rahi Aur Madhur Git Gati Rahi|

Jab Mrityu Ke Devta Yamraj Sarp Ka Rup Dharan Kar Rajkumar Ke Pran Harne Aaye, To Deeyon Aur Aabhushano Ki Chamak Se Unki Aankhein Chaundhiya Gayi| Ve Mahal Ke Bhitar Pravesh Nahi Kar Paye Aur Aabhushano Ke Dher Par Baithkar Rajkumari Ke Madhur Git Sunne Lage| Is Prakar Rat Bit Gayi Aur Rajkumar Ke Pran Bach Gaye| Tabhi Se Dhanteras Ki Rat Yamraj Ke Nimitt Deepdan (Yam Deepdan) Karne Ki Parampara Shuru Hui Taki Akaal Mrityu Se Bacha Ja Sake|

2. Bhagwan Dhanvantari Janm Ki Katha

Dusri Katha Samudra Manthan Se Judi Hai| Devtaon Aur Asuron Ke Bich Chal Rhe Samudra Manthan Ke Dauran, Kartik Krishna Trayodashi Ke Din Bhagwan Dhanvantari Apne Hathon Men Amrit Ka Kalash Lekar Prakat Hue The| Ve Bhagwan Vishnu Ke Hi Ansh Mane Jate Hain Aur Unhe Ayurved Ka Janak Tatha Devon Ka Vaidy Kaha Jata Hai|

Bhagwan Dhanvantari Ke Prakat Hone Ke Uplaksh Men Hi Is Din Ko Dhanteras Ya Dhantrayodashi Ke Rup Men Manaya Jata Hai| Ve Sansar Ko Aarogy Aur Dirghayu Ka Vardan Dete Hain| Isi Manthan Se Mata Lakshmi Bhi Prakat Hui Thin, Isliye Dhanteras Par Lakshmi-Narayan Aur Dhanvantari Ji Ki Vishesh Puja Ki Jati Hai|

Puja Vidhi: For detailed Dhanteras Puja Vidhi, including Yam Deepdan and Dhanvantari Puja, check the guide below:

Dhanteras Puja Vidhi | धनतेरस पूजा विधि

Simple and complete Puja Vidhi for Dhanteras, including Yam Deepdan, Dhanvantari, and Kuber Puja.

Read Now →

(Katha Samapt)