Karwa Chauth Vrat Katha | करवा चौथ व्रत कथा

|| Karwa Chauth Vrat Katha ||

Ek samay ki baat hai, ek sahukar ke saat bete aur ek beti (Veeravati) thi. Veeravati apne bhaiyon ki iklouti laadli behen thi. Vivah ke baad, Veeravati apne mayke aayi hui thi. Karwa Chauth ke din usne apni bhabhiyon ke sath nirjala vrat rakha.

Shaam ko jab bhai bhojan karne baithe, to unhone Veeravati se bhi bhojan karne ko kaha. Veeravati ne kaha ki vah chandrama ke darshan ke baad hi bhojan karegi. Behen ko bhukh se vyakul dekh bhaiyon ne ek yukti nikali. Unhone door ek ped par deepak jalakar chhalni ki oat mein rakh diya aur behen se kaha ki dekho chandrama nikal aaya hai.

Veeravati ne use chandrama samajhkar arghya de diya aur bhojan kar liya. Jaise hi usne pehla niwala liya, use uske pati ki mrityu ka samachar mila. Vah vilap karti hui apne sasural bhaagi. Raste mein use Bhagavan Shiv aur Mata Parvati mile. Devi Parvati ne use uski bhool batayi aur agle varsh vidhipuvak Karwa Chauth ka vrat karne ko kaha. Veeravati ne shraddhapuvak vrat kiya, jisse prasann hokar Bhagavan ne uske pati ko punah jeevit kar diya.

(Katha Samapt)